真係估唔到第一日既下午咁好天,除左天氣好,溫度亦唔算低,廿度左右,非常舒服。船程亦非常順利,風浪唔大,船航行得異常穩定。大家好似好耐冇見過藍天碧海,個個人都陶醉於拍攝風景同埋欣賞大自然。
一去到,就見到果d頁岩,斜陽照耀下好似燈紅色,好鬼好feel! 一settle down左之後,就即刻趕去影日落,嘩~!! 正到爆,個天深藍色,個太陽去到地面線上十度左右,仍然非常光亮,慢慢就變成「咸蛋王」,加埋個無敵海景襯托,真係好有feel! 其中一位團友「美玲」姐,獨自一人去崖邊影相,我地離遠影佢既剪影,好鬼正!
晚餐係BBQ,好多野食,d豬扒勁好食! 不過我見個天咁正,我就燒左幾塊扒後,即刻去睇星,同影返幾張試機照。仲影到17P同冬季銀河。後來十點幾開始就起雲,11點已經全被覆蓋(都係意料中事)。:icon_sad
午夜,我地一齊玩UNO,慘,我玩左咁多鋪,一鋪都未羸過,仲輸入兩鋪。最多出現既說話係「害人終害已」....draw人four,自己反被draw 16....
晚上好鬼凍,我帶黎既睡袋唔夠暖......訓得唔係咁好..... |