Gem

若果沖熱水涼係要俾錢架~:pig7 我上年都無沖涼.....:pig2

Betty

由碼頭去士多行幾耐?

Gem

好似唔係好耐....唔..五至十分鐘左右啦~ 好近架~~ 我地訓士多喎....你唔知咩? :g13

Betty

士多有無暖氣?

Gem

無架, 最好帶睡袋, 既可以保暖當被"com", 又可捐入去訓住睇星....果度0既被有股氣味.....:g2

[ 本帖最後由 Gem 於 2008-1-8 23:46 編輯 ]

Betty

多年前首次參加公開觀星營(唔計小中學時代學校搞既), 係去荔枝莊, 都係一日一班船, 唔似長洲咁方便, 隨街有野食, 當時以為荔枝莊有士多實有野食買, 唔洗帶食物去, 只帶幾排糖...點知去到, 唔記得果時係小食部裝修定其他地方裝修, 小食部無野食賣!!! 只係得番汽水機! 朋友們同我都好擔心夜晚無野食, 叫大家攞哂 d 食既出黎! 睇下夠唔夠! 當然唔夠啦! 那時唔知食晚飯時間又咁早! 六點食喎! 我地唯有起晚飯食多d!

之後, 返房睇電視, 睇到九點幾咁上下, 大家開始有餓意...剛巧, 電視放緊飲食節目! 唉...真係...令到大家更加肚餓! 為了鼓勵大家, 我便"精神上"支持大家, 大喊我想食 xx 粥, 腸粉...跟著, 朋友們一個一個的接下去大喊想食 xxx...就咁大家無咁餓喇...只係食糖同飲汽水"充飢"!

從此以後, 每次去觀星營, 我必定會帶很多零食, 忘不了那次去荔枝莊既教訓! 所以唔好笑我點解每次去觀星營我都帶一袋零食!

阿Gem 在上文講得啱, 食物好珍貴, 自己顧自己!

mike_leung

咁....我都要帶定幾個包去....

Gem

我地住0既士多有即煮麵食,又有紅豆冰,連炒野都有(唔知今年有無), 仲有唔同0既樽裝飲料呀~唔算太差啊~:g11

Betty

原帖由 mike_leung 於 2008-1-9 07:56 發表
咁....我都要帶定幾個包去....

無錯喇, 帶多無防呀, 多左既可以分俾人食, 功德無量! 多...永遠唔會話多!

Betty

原帖由 Gem 於 2008-1-9 09:47 發表
我地住0既士多有即煮麵食,又有紅豆冰,連炒野都有(唔知今年有無), 仲有唔同0既樽裝飲料呀~唔算太差啊~:g11  

妳都識得講話唔知今年有無! 咁啦, 大家最好帶多d 食物, 多左既大家分享呀, 開一個大食會都唔錯!

mike_leung

我反而煩緊帶d咩鏡去好...天氣又多數唔太好....如果帶太重，又要成日跟身...仲有三日時間諗下...

Betty

啊...咁就睇下你自己今次影咩啦.

Gem

我就只會帶部 DC仔去影下人,影下石頭...其實係乜都影一餐.. :pig2

apo

原帖由 mike_leung 於 2008-1-9 10:32 發表
我反而煩緊帶d咩鏡去好...天氣又多數唔太好....如果帶太重，又要成日跟身...仲有三日時間諗下...

梗係帶 D3 + 500/F4 啦!! :icon_twisted

mike_leung

我估...帶部G9去算.....好天d就帶多d，唔好天，就一定淨係帶部DC去算..