返回列表 發帖

返學~

最近又開始"上學去"既生涯,一星期連續兩天,有時放左工回家休息一會便返學,有時就需要突登請假去返學,真係有種貼錢買難受既感覺 ......無計啦,現在成日都話要自我增值嘛,唔想比人淘汰,唯有係咁~

若一大班同學一齊上堂就會去Hall上,通常大家都會買D"口立濕"撐場,所以成日都會聽到"谷谷谷...(食薯片聲)""Jap Jap Jap...(食野唔合埋口既聲)",有時重會聞到漢堡既香味(真想立即衝埋去搶包食:icon_twisted !!).唉,人大了,專注力也差了,我既專注力最多只可為持三十分鐘,之後就會..."咕咕咕...",醒下,再"咕咕咕...",如是一路係咁,直至落堂為止:icon_redface ~~(每堂幾百蚊就係咁過... )

今個學期有一科"你命三千":icon_eek (其實科科都好命:icon_lol ...),人數只有三至四十人,所以在一個普通課室仔上堂.唉,課室細,人數少,想訓覺真係有一定難度...D好同學重慌死蝕底咁霸左第一行:icon_eek !一個最能夠與老師有眼神交流既最佳位置:icon_eek !!頭三十分鐘我還頂得住 ,之後...開始"放蚊"同"吊魚",但又唔好意思當老師無到,唯有努力死撐,三個小時既堂...等了又等,好似等左三年咁耐:icon_cry .科目既內容已足夠令人"一睡不",再加上老師好守本份咁全程講ABC,真係...唔知佢"up"乜之餘,更覺時間有停頓了既感覺...:icon_eek

對我黎講,返學係辛苦既事,但係...又係與同學相聚既機會,唔明老師講乜?大家一齊"媽媽聲",唔識做功課?大家一齊"鞋鞋聲";返學真係......

返回列表