神山

Boxing day去了行神山

今次join了2日1夜的登山tour.

Day 1 6:30am有車來KK市接送去神山，神山在KK市大約50km以外。8:30am會合了mountain guide，攪好permit之後， 9:00am從1866m的Timpahan Gate起步，原路都在森林內，沒什麼風景可看，不過路上有好多松鼠。山路不算太難行(大約等如伯公拗上鳳凰山，不過長幾倍)，其中75%都係石級，2枝細水就完成這段路。慢慢行2:45pm已經到了3273m Laban Rata Lodge。Lodge 4:30pm開始有自助餐供應，所有登山人集中在一齊食晚飯，大約有200人，後來有一大班美國人來了，好好好好好嘈，嘈亂巴閉！7:00pm食飽就上床睡覺，準備2:00am起身登頂。

Day2 2:00am食過早餐準備登頂，但2:30am突然落雨，mountain guide叫我地自己決定是否放棄，不過見班美國人已經冒雨出發，香港人唔係東亞病夫，我無理由唔上。在Lodge跟其他登山者吹了一陣水，3:00am停雨，可以出發！行了大約30分鐘，已追到班美國人，可惜去到繩索位，班美國人體力不繼，唔上唔落，塞住條路。Mountain guide見佢地進度緩慢，帶我地從旁邊爬頭。忽然班美國佬叫住我，You must queue up! 佢地以為自己真係世界警察? 在山上維持秩序? 我語重心長解釋佢地知 "佢地塞住條路"，同時亦對佢地唔夠體力"深表同情"，結果好順利爬了頭。之後的2小時亦好順利，慢慢行下爬下，剛好天光就到了4095.2m的山頂。在山頂留了15分鐘，mountain guide叫我地走，以免一陣落山多人。回程見到班美國佬，終於一仆一碌上到來，都唔知佢地點落山。

從山頂回Lodge，有幾段要爬繩落先係最難行，太陽出了來，慢慢行，一路爬落山一路影相，9:20am回到3273m的Lodge，食多次早餐之後，11:00am出發回1866m的Timpahan Gate。不過行了無幾耐，就開始落雨，越落越大，落山條路好似瀑布一樣。見身邊的人，著乜gore tex都無用，最有用係10蚊一件的膠雨褸。因為落大雨的關係，上山時見不到的樹蛙及水蛭都走了出來。可惜趕時間落山坐車，無時間睇。

2:30pm到達1866m的Timpahan Gate，又出返太陽，好天到不得了，一邊食自助餐一邊等証書，3:30pm上車回KK市